جوانو! ہمت نہ ہارو!

از: مولانا ڈاکٹر غلام جابر شمس مصباحی پورنوی

            چوہا ایک باہمت جانور ہے۔۔۔۔۔چوہے کا وجود کتنا۔۔۔۔۔۔سب جانتے ہیں۔۔۔۔۔۔۔مگر اس کی ہمت کی داد دیجئے۔۔۔۔۔بوریوں کی بوریاں کاٹ ڈالتا ہے۔۔۔۔۔۔گودام کے گودام میں تباہی مچا دیتا ہے۔۔۔۔جب فصلیں پکنے پر آتی ہیں۔۔۔۔۔کھیتوں میں گھس جاتا ہے۔۔۔۔کسان پریشان رہتا ہے۔۔۔۔۔گودام کا مالک پریشان رہتا ہے۔۔۔۔چوہوں سے بچنے کی ہزار تدبیریں کرتا ہے۔۔۔۔۔مگر چوہے ہمت نہیں ہارتے۔۔۔۔۔اُدھر سے بھگایا۔۔۔۔اِدھر سے آیا۔۔۔۔۔اِدھر سے بھگایا۔۔۔۔اُدھر سے آیا۔۔۔۔بظاہر وہ چھوٹا ہے۔۔۔۔عقل بھی نہیں ہے۔۔۔۔انسان بڑا بھی ہے۔۔۔۔عاقل بھی ہے۔۔۔۔مگر چوہے سے پریشان ہے۔۔۔۔کوئی تدبیر کام نہیں آتی۔۔۔۔سمجھ میں نہیں آتا۔۔۔کیوں کر اِس سے نجات ملے۔۔۔۔

      یہی نہیں۔۔۔۔چوہا پہاڑ بھی کھود ڈالتا ہے۔۔۔۔اپنی کھوہ، غار، بل بنا لیتا ہے۔۔۔کہاں پہاڑ۔۔۔کہاں چوہا۔۔۔مگر ہمت دیکھیے۔۔۔۔پہاڑ کھودا۔۔۔تب نا اپنا ٹھکانا بنایا۔۔۔پہاڑ کا وجود دیکھ کر گھبرا جاتا۔۔۔تو وہ گھر نہیں بنا پاتا۔۔۔بےگھر رہتا۔۔۔گھر بنانا ہے۔۔۔بسانا ہے۔۔۔تو ہمت نہ ہارو۔۔۔چوہوں سے سبق سیکھو۔۔۔ایک کہاوت ہے۔۔۔کھودا پہاڑ،نکلا چوہا۔۔۔یہ ہمت کا کام ہے۔۔۔یہ اُس وقت بولتے ہیں۔۔۔جب سخت محنت کے بعد خاطر خواہ نتیجہ سامنے نہیں آتا۔۔۔۔نتیجہ چاہے جیسا ہو۔۔۔سامنے آیا تو سہی۔۔۔ہمت سے کھودا۔۔۔تب نا چوہا نکلا۔۔۔ورنہ کبھی نہیں نکلتا۔۔۔اب دوسرا، تیسرا کھودو۔۔۔کچھ اور نکل آئےگا۔۔۔اس لئے کہ کبھی ایسا بھی ہوتا ہے۔۔۔چوہا بھی نہیں نکلتا۔۔۔مگر ہمت والے ہمت نہیں ہارتے۔۔۔۔جو ہمت ہارتا پست ہمت ہوتا ہے۔۔۔وہ اپنی زندگی میں اہم کارنامہ(Achevement) انجام نہیں دے سکتا۔۔۔۔

         

 یہ بجلی کے بلب اور ڈرائی بیٹری۔۔۔جانتے ہیں۔۔۔اس کا موجد کون ہے۔۔۔نام ہے اُس کا تھامس الوایڈمین۔۔۔اُس نے 99 بار تجربہ کیا۔۔۔تب جا کر سویں 100 بار کامیاب ہوا۔۔۔۔کہیے اگر وہ دو چار بار ہی میں ہمت ہار بیٹھتا۔۔۔تو کیا آج الیکٹرک بلب اور ڈرائی بیٹری سے دنیا فائدہ اُٹھا پاتی۔۔۔اس کی ہمت کی داد دیجیے۔۔۔کہ اُن تجربوں میں زندگی گذار کر۔۔۔دنیا کو ایک ایسی چیز دی۔۔۔جس پر آج دنیا کی رفتار کا انحصار ہے۔۔۔ تجربوں کی ناکامی پر لوگ طعنہ بھی دیتے ہیں۔۔۔آوازیں بھی کستے ہیں۔۔۔اس سے اپنے ارادے نہ چھوڑ دو۔۔۔ہمت سے آگے بڑھو۔۔۔اتنی کوشش، محنت، تجربہ کرو۔۔۔کہ کامیاب ہوکر اُس کا جواب بنا دو۔۔۔اُسے قائل کر دو۔۔۔اپنی طرف مائل کر دو۔۔۔یہ جبھی ہوگا۔۔۔کہ تم نئی قوت، نئے عزم اور بھر پور ہمت سے۔۔۔آگے ہی آگے بڑھتے رہوگے۔۔۔قدم رکنا تھکنا نہیں۔۔۔آگے اور آگے چلتے ہی رہنا چاہیے۔۔۔دیکھیے۔۔۔۔یہ ٹیلی فون آج سب کی ضرورت ہے۔۔۔اس کا ایجاد کرنے والا تھا۔۔۔الیکزیندر گراہم بیل۔۔۔اُس نے ٹیلی فون بنایا۔۔۔اُس وقت کے صدر امریکہ ورودر فورڈ، کو دکھایا۔۔۔۔صدر نے بڑی تعریف کی۔۔۔پھر یہ طنزیہ جملہ بھی کَس دیا۔۔۔یہ ایجاد حیرت انگیز تو ضرور ہے۔۔۔۔مگر اِسے خریدےگا کون؟ گراہم بیل نے اِس منفی طنزیہ جملے کا قطعی اثر قبول نہیں کیا۔۔۔ اگر وہ اِس طنز کا بُرا مناتا۔۔۔تو نہ آج یہ ٹیلی فون ہوتا۔۔۔نہ اس کا نام ہی زندہ رہتا۔۔۔اور نہ تاریخ کا حصہ بنتا۔۔۔۔۔

          

ایک دیہاتی کہاوت ہے۔۔۔یہ کہاوت میرے والد اکثر کہا کرتے تھے۔۔۔بچوں کا حوصلہ بڑھاتے ہیں۔۔۔کہاوت یہ ہے۔۔۔رسّی آوت جاوت ہے،سِل پر پڑت نشان، رسّی جو ریشوں یا جوٹ کی لَٹوں سے بٹی جاتی ہے۔۔۔مضبوط تو ہے۔۔۔مگر پتھر اور سِل کے مقابلے میں۔۔۔کسی قدر نازک اور نرم ہے۔۔۔وہی رسّی سِل پر گھستے رہنے سے۔۔۔نشان پڑ جاتا ہے۔۔۔بسا اوقات کھڈا بھی ہونے لگتا ہے۔۔۔یہ اسی وقت ممکن ہے۔۔۔کہ رسّی مسلسل گھسی جائے۔۔۔ہمت سے کام لے۔۔۔ہمت کا دامن ہاتھ سے نہ چھوڑے۔۔۔۔پیارے نوجوانو! ہمت ہے۔۔۔توچاند گگن پر بھی پہنچ سکتے ہو۔۔۔ستارے بھی توڑ لا سکتے ہو۔۔۔۔ہمت نہیں۔۔۔۔۔تو چنے کے جھاڑ پر بھی چڑھ نہیں سکتے۔۔۔۔ماچس کی تیلی بھی توڑ نہیں سکتے۔۔۔۔امید ہے۔۔۔۔تم ہمت نہیں ہاروگے۔۔۔۔۔۔